زوجتي تكرهني بعد خيانتي
زوجتي تكرهني بعد خيانتي،زوجتي تكرهني بعد الخيانة، خنت زوجتي، زوجتي اكتشفت خيانتي، مشتاق لزوجتي وهي زعلانه، زوجتي مجروحة مني، زوجتي تكرهني بعد خيانتي، خنت زوجتي وتغيرت، خيانة زوجي دمرت حياتي، تأديب الزوج بعد الخيانة، كيف تصالح زوجتك بعد الخيانة؟ كيف أصالح زوجتي بعد ما كرهتني؟ كيف تصالح زوجتك العنيدة، هل يرجع الزوج لزوجته بعد الخيانة؟ خنت زوجتي وندمان،
زوجتي اكتشفت خيانتي وكرهتني، كانت تحبني أكثر من روحها وصارت تكرهني كره العمى، زوجتي غضبانة منه في بيت أهلها من 6 شهور ومجروحة ورافضة ترجع لي أو تسامحني، وأنا مشتاق لزوجتي وهي زعلانه، كيف أصلح زوجتي بعد ما كرهتني، كيف أجعل زوجتي تسامحني؟
أعرف إني غلطت في حقها كثير، وإني جرحتها، وإني خنتها وهي كانت طول عمرها تصوني ووفية لي، وتحبني أكثر من روحها، لكن كل إنسان يغلط وكانت نزوة ولحظة شيطان، حاولت أراضيها وحاولت أعتذر لها عدة مرات لكنها رافضة تسمعني أو حتى تعطيني فرصة أشرح لها اللي صار، وأنا تعبت، وخايف ومرعوب تضيع مني زوجتي وأنا بعدي أحبها ولو تطلقت مني أو خذت ريال غيري ممكن أروح فيها والله ثم والله من يوم ما طلعت من بيتي حسيت كأنه روحي هي اللي طلعت من جسدي.
خنتها بدون قصد والله ثم والله ما خططت للي صار، كل شيء صار صدفة، قبل ست شهور عزمني ولد عمي وهو ريال مطلق، عزمتني على سفرة للخارج، وأيامها زوجتي كانت حامل وتتوحم، وما لها خلق، قلت فرصة خليني أسافر منها أغير جو، ومنها هي بعد ترتاح شوي مني ومن حنتي، وفي المطار كانت المفاجأة، أو الصدمة، شفت ولد عمي وياه صديقته، وصديقته جابت معها صديقتها!!! وأنا ما كنت أعرف، ولا كنا متفقين على هالموقف، لكن هذا اللي صار.
حاولت اليوم الأول إني أكون متحفظ مع البنتين وما أضحك ولا أسولف غير مع ولد عمي، لكن نحن جلسنا في السفرة 20 يوم، وبصراحة من ثاني يوم استلطفت البنات وصرت آخذ وأعطي معهم، وبس، قلت لين هنا وكافي مو أكثر من استلطاف، لكن يوم بعد يوم، لقيت نفسي خذت على الصديقة اللي جاية لوحدها ومثل ما ولد عمي يلوي على صديقته طول الوقت، ويبوسها ويلاطفها، تأثرت وصرت أسوي مثله وصار اللي صار، وولد عمي شجعني قالي بلد غريبة محد يعرفنا فيها عيش حياتك وتهنا لك كم يوم، لكن كان عندي احساس بتأنيب الضمير بخصوص خيانتي لزوجتي،
وفي الأسبوع اللي الأخير صديقة ولد عمي خذت صورة لها هي وصديقتها وولد عمي وأنا رفضت أصور، وحطت الصورة على حسابها في السوشيال ميديا، طبعا الصورة طلعت عند زوجتي على طول لأن ولد عمي يصير بعد ولد خالتها، يعني عمي متزوج خالة زوجتي، أول ما شافت الصور على طول شكت في الموضوع، دخلت على إيميلي وجابت عنوان الفندق اللي حاجزين فيه، وقطعت تذكرة لها هي وأخوها الصغير ( 17) سنة على أول طيارة وجتنا،
أول ما وصلت الفندق ما لقتنا، كنا طالعين نتمشى، وبعدين جلست في اللوبي تنتظر وهي لابسة ومغطية وجهها هي وأخوها بكمامة علشان ما نعرفهم إذا جينا، طبعا ما عرفناهم، دخلت أنا والبنت اللي معي وأنا حاط ذراعي على كتفها، ولاوي عليها، وزوجتي جالسة بعيد وتناظر وأنا ما انتبهت لها، وهذا الموقف كل ما أذكره أموت وأتقطع، لأني أتخيل شعورها أول ما شافتني مع البنت على ذي الحال، وأنا أعرف زوجتي كيف تحبني وكيف تغار علي، وأكيد هالموقع ذبحها،
المهم زوجتي ما تكلمت ومسكت أعصابها وانتظرت لين صعدنا فوق، وصعدت هي واخوها ورانا، وشافتني أدخل أنا والبنت الغرفة، لأنه من الأسبوع الثاني من الرحلة صرنا أنا وهي ننام في نفس الغرفة وعلى نفس السرير، جت زوجتي ودقت الباب، البنت فتحت لها لأني كنت في الحمام، دخلت زوجتي وطلبت من البنت تطلع بهدوء، والبنت كانت لابسة الروب،
زوجتي طلعتها من الغرفة بالروب، وقالت لها تطلع أو بتضربها هي وأخوها، البنت طلعت تركض على غرفة ولد عمي وصديقتها، تطلب الفزعة، زوجتي جلست على السرير في غرفة النوم، وشلت الكمامة عن وجها، أنا أول ما طلعت من الحمام شفت زوجتي في وجهي، ما عرفت شو أسوي، حسيت بدوخة ونار اشتعلت في يوفي، وأنا أشوف نظراتها ومو قادر أصدق إنها شافتني في هالموقف،
لليوم مو قادر أنسى نظراتها كانت عيونها حمراء كأنها غرقانة دم، وتنظر لي بإشمئزاز وقهر، كل ما أذكر النظرة أمووووووووووووووت أتقطع، أدعي على نفسي، ليتني مت ولا خليتها تشوفني في ذك المنظر وذك الموقف، ليتني مت ولا قهرتها، وهي اللي شالتني كل هالعمر وما قصرت معي بشيء، ليتني متت والله، ما قادر أسامح نفسي، وكل أملي تسامحني، لكن ما قدرت أوصل لذا الشي، زوجتي سوت لي بلوك من كل حياتها، ومن ذا الموقف ما تكلمت معي ولا كلمة، وهذا اللي قاهرني، والغريب إني كل ما أسأل أحد عنها يقولون ما تطريني ولا تتكلم عن الموقف، وما في على لسانها غير كلمة الطلاق.
أنا رفضت الطلاق، وما أريد أطلقها بعدني احبها، وأعشقها، وأموت فيها، زوجتي وأم عيالي ياناس، غلطت والله ينتقم مني، لكن هي لا تتركني، ما أقدر أعيش بدونها، والله ما أقدر، من يوم تركت البيت وأنا في هم وغم، وحياتي جحيم، حاولت بكل الطرق أراضيها، وأرسلت لها أمة محمد علشان يصلحون بيني وبينها، وهي رافضة تقابل أحد أو تتكلم مع أحد، ومن أسبوعين لقيت محكمة الأسرة متصلين يقولون إنها رفعت قضية خلع وحطت محامي، وطبعا هالخبر جلطني،
لأن زوجتي كانت تموت لو جبت سيرة الطلاق، من كثر ما كانت تحبني، وتموت فيني، والحين دامها تريد تخلعني يعني صارت تكرهني، وأنا أعرف أنها صارت تكرهني من تصرفاتها، وهذا اللي جالطني، ومخلني أحس باليأس، لأني أعرف زوجتي وأعرف عنادها، وأعرف إن حبها لي طبعي يتحول لكره، اللي شافتها مو شوية، لكن أنا بعدي أبغاها، أبغاها، أبغاهااااااااااااا أبغاها ياناس، وما أبغي غيرها،
مستعد أسوي شو ما تريد، وسويت الكثير بس عشان ترضى عني لكن ما فيه فايدة، رافضة كل الطرق، حتى المحامي اللي وكلته هي في القضية، رحت له وطلبت منه يقنعها تتراجع عن الخلع، وفهمته اللي صار، تعرفون شو قال لي: قال زوجتك قالت إذا ما طلقتها أو خلعتك، ممكن إنها تقتلك، والظاهر إنها كانت تحبك كثير، لأنه ما فيه إنسان يكره شخص بهذي الطريقة إلا إذا كان يحبه ويثق فيه بشكل جنوني، لكنه انجرح من اللي يحبه!!!" آآآآآآآآآه يا حسرتي، والله أدري وأعرف حالتها، وهذا اللي قاهرني، إني قهرتها، وإذا زوجتي خلعتني ما أعتقد أقدر أكمل حياتي بعدها، ما أقدر ما فيه مرة في الدنيا تقدر تنسيني زوجتي،
أكتب لكم وأنا متأكدة ما عندكم حلول لي لكن أقول يمكن زوجتي تشوف كلامي وتحس فيني يمكن أحد منكم مر في مثل تجربتي وعنده حل غريب يسعفني به، أرجوكم ساااااااااعدوني...
يمكنك أن تترك تعليقك هنا كمجهول،
دون الكشف عن هويتك،
أو يمكنك المشاركة برأيك على حسابنا
على الفيس بوك أو على الإنستغرام،
السلام عليكم اخوي ، انا صراحه تاثرت وانحرق قلبي على زوجتك ، اعرف انه المووضوع صعب عليك وانك ندمان بس صدقني لو انت تحبها صدق جان ماخنتها ، خلاص اتركها مستحيل ترجع معاك نفس قبل وانت حاول تروح دكتور نفسي عشان تتخطى وصدقني بتنسى وان شاءالله الله يرزق زوجه صالحه بس اهم شي تتعلم من اخطائك
ردحذفالله يفرج كربك وترجعلك زوجتك قصتك حزينه
حذف