زوجتي مجروحة مني
زوجتي مجروحة مني، زوجتي تكرهني بعد خيانتي، افتقد زوجتي، حزين على زوجتي، زعلت زوجتي وندمان، ماذا أفعل إذا خنت زوجي، جرحت كرامة زوجتي، زوجتي قفطتني، مشتاق لزوجتي وهي زعلانه، زوجتي كانت تحبني والان تكرهني، زعلت زوجتي وندمان، كيف تصالح زوجتك العنيدة، مجروحة من زوجي، زعلت زوجتي وبكت، زوجتي زعلانة ولا تكلمني، كيف ارجع زوجتي من بيت أهلها؟!!
مشتاق لزوجتي وهي زعلانه، مجروحة مني، قلت لها كلام جارح، وأنا حاليا ندمان، لأني جرحت كرامة زوجتي بدون ما أقصد، كنت معصب كثير، فقدت أعصابي، مع إنه مو ذنبها، شلون أصالحها، وأرجعها من بيت أهلها؟ زوجتي عنيدة وقفطتني ورفضت ترجع معي!!!
تزوجنا من ثلاث سنين، وبيني وبينها قصة حب حلوة، وهي بالنسبة لي كل شي في حياتي لكن بعد الزواج الواحد يصير يمل من زوجته حتى لو إنها ملكة جمال، حتى لو إنه يحبها ويموت فيها، ومع إن زوجتي مهتمة بنفسها وتشتغل وتملي وقت فراغها، وعندها صديقاتها وهواياتها، وطلعاتها وروحاتها، لكن مع ذلك أني مليييييت أو يعني حسيت إن مشاعر أيام الحب ولت وراحت، وصرت أحس بالملل كل ما أجلس معها، حتى هي لاحظت ذا الشيء، وصارت تسألين شنو فيك كله متململ...!!!
قبل الزواج كانت مشاعري لها غير، كله مشتاق، كله خايف عليها، كله ودي اتكلم معاها، وأدور الأسباب عشان أشوفها، وألتقيها، لكن بعد الزواج بسنتين كل شيء برد، يعني أحبها وما تهون علي لأني أعرف إنها تحبني بعد وما أهون عليها، بل يعني ما عاد فيه ذاك الشعور القديم، فاهمين قصدي أخواني!!!
صرت أشوف البنات في شغلي غير، يبرقن جدام عيوني، حلويات وأكثر جاذبية منها، مو بالشكل، لأن زوجتي جميلة تبارك الله، وجذابة، أنا انهبلت عليها أول ما شفتها، وحسيت إني ممكن أموت لو ما خذتها، وجمالها لازال مثل ما كان يمكن صارت أحلى ذا الحين، أحلى بكثير، لكن مشاعر تغيرت، هو الملل السبب، يعني تعودت على جمالها، ما عاد يغريني مثل أول، صارت زميلتي في الشغل اللي ممكن تكون أقل جمالا تجذبني أكثر من زوجتي، وأحب أناظر فيها، وأحب أسولف معها...!!!
أعرف هالشيء غلط، وصدقوني أحس بالذنب، وأحاول أبتعد عن هالتصرفات لكن، حتى النادلات اللي في المقاهي أحس فيهن يجذبني أكثر من زوجتي، صرت أدور سبب عشان أطلع من البيت وأقعد في المولات أو في المراكز العامة عشان أجرب حظي وأشوف منو من البنات بتناظرني وبتقط علي سنابها أو رقم جوالها!!!
أخذ الرقم وأكلمها يومين ثلاثة، وبعدها أحس بالذنب وأبلكها، وعلى ذا الحال، تعبت نفسيا من الموضوع، وصارت زوجتي تحس بتصرفاتي، وبرودي، يعني العلاقة الجنسية بينا صارت باردة شوي، ما عدت أحب أسوي لها حركات مثل أول، لكن هي كانت مستمرة تسويلي حركات، وصارت تهتم بنفسها أكثر وأكثر بعد ما لاحظت برودي وانشغالي عنها.
في يوم رجعت البيت لقيتها مسوية ( أمسية رومانسية) عشان تبهرني وتجدد مشاعرنا و كذا، وكانت أساسا متعودة تسوي هالامسيات في نهايات الأسبوع، لكن مؤخرا صارت تسويهن كل يوم أو يومين، يمكن لأنها حاسة إن فيه شيء، وتريد تجدد علاقتنا، لكني كنت أقرف، أقرف من محاولاتها، وكلماتها الرومانسية، لأني ما عدت أحس إن جلساتنا رومانسية، ما أحس إنها تثيرني مثل أول، يعني صارت في حياتي مثل الواجب المدرسي، غصب تسويه!!!!
في ذا اليوم قلت لها تعبان خليني أنام، لكنها أصرت تتناقش معي، قلت لها ما أريد أتناقش أنا تعبان، وفي الحقيقة قبل باسبوع كنت متعرف على وحده، وعاجبني جوها، أول ما تعرفت عليها عزمتني على سهرة فيها وايد بنات وشباب، حسيت هالبنت رجعت لي الشغف والوناسة في حياتي، طلعتني من جو الزواج الكئيب، فعلا الزواج كئيييييييييييب، ممل، يزهق، ينرفز،
يعني هو مو ذنبها أنا مستوعب ذا الشيء، لكني أحملها الذنب لأنها كانت مستعجلة على الزواج، كنت أقول لها خليني نستمتع بفترة الخطوبة وكذا، لكنها كانت وايد مصرة على الزواج، وهذا نحن تزوجنا وقرفنا!! بصراحة أنا قرفت بينما هي مبسوطة وشايفه إنها حققت حلمها في الزواج مني وخلاص ما ودها بشي ثاني، لكن أنا ودي، ودي أطلع وأعيش، وأحب من جديد، واعيش كذا قصة حب مو بس وحدة!!!
المهم أصرت على الكلام، وقلت لها: " خلاص إذا انت مصرة إذا اسمعي، أنا مليت منك، ومستعد أحب وأنجذب لكل البنات في كل مكان إلا إني مو قادر أطالع في وجهك، ولا تسألني شنو السبب لأنه ما فيه سبب غير إني مليت، وندمت إني تزوجت، أنا أحب الحرية، اكتشفت إني فعلا أحب الحرية، وأنت خنقتيني بذا الزواج والتزمي معك، وبما إنك مصرة تعرفين، فنعم أنا عندي علاقات مو علاقة وحدة، وأريد أكمل حياتي بحرية، ما أريد أعيش مع مرة وحدة، حياة رتيبة مملة وكئييييبة!!!"
وكلام كثيييييييير، والله ما عدت أذكره، نسيت شنو قلت، لكني أذكر نظراتها ووقفتها وهي ماسكة علبة عسل في يدها، جايبتها على أساس بتسوي لي حركة ( المص بالعسل ) وكذا يعني، واقفة شايلة العلبة وتناظر فيني مصدومة، وفجأة طاحت العلبة من يدها وانكسرت من الصدمة طبعا، وتناثر الزجاج في كل الغرفة وصارت تمشي فوق الزجاج وتدوس عليه برجولها الحافية وبدون ما تحس!!!
ساعتها بس فقت، وعورني قلبي، وحسيت بألم في صدري، ركضت وراها طبعا أنا كنت جالس على السرير ورجولي فيها شبشب الحمام، فما صار فيا شيء، لكن هي حسب ما فهمت احتاجت خياطة في بعض المناطق من رجولها بسبب الزجاج.
زوجتي حاليا زعلانه في بيت أهلها، ورافضة ترجع، رحت لها كم مرة وحاولت أعتذر لها، وطلبت منها ترجع قفطتني حتى ما طلعت تكلمني، كل مرة أروح أجلس مع أهلها بالساعات ولا تطلع تكلمني ولا ترد على اتصالاتي، واللي قاهرني إنها طالبة الطلاق ومصرة عليه، من وين كانت بتموت ودها تتزوج ومن وين الحين بتموت ودها تتطلق...
آخر مرة أرسلت لي تريد الطلاق، وحاولت أكتب لها كلام يراضيها، ويغير رايها، لكنها ردت علي تقول: بالعكس، أنا بحقق حلمك، وأشكرك لأنك فتحت عيني على حياة ما كنت أعرف عنها شيء، أنا بتتطلق وبعيش حرة، وبسوي علاقات، وبحب كل يوم شخص جديد، بعيش حياتي مثلك تماما، الحياة حلوة ليش نقضيها في زواج ممل مع زوج كئييييييب، طلقني وروح عيش حياتك، مع أنك بديت حياتك أنت فعلا، وعشت قبل الطلاق، لكن أنا أنتظر طلاقي عشان أعيش حياتي"
كيف ارجع زوجتي من بيت أهلها؟!!
طبعا كلامها هذا استفزني، جنني، ولع في يوفي نيران القهر والغيرة، بموت صدق يمكن أموت لو حبت رجال غير، أو سوت علاقة مع أي أحد ثاني، بموت ما أقدر أتحمل، أعرف إنها تحاول تغيضني، وبصراحة بعد هالموقف أنا تبت خلاص، حسيت بقيمة زوجتي، حسيت بقيمة الزواج والإستقرار، ثلاث شهور وهي بعيدة عني خلتني كرهت الدنيا وكرهت البنات وكرهت الطلعات، وما ودي غير ترجع لي وأرجع لحضنها ولبيتي وألقاها فيه،
كنت كل مرة أرجع البيت وأشوفها تنتظرني أكرها، والحين أرجع البيت وأحلم اني أشوفها فيه، أحلم بها والله أتمنى ترجع لي، شو أسوي كيف أقنعها، زوجتي عنيدة ومجروحة ولكني والله احبها.
يمكنك أن تترك هنا
تعليقك على المشكلة كمجهول،
دون الكشف عن هويتك،
للاسف محد يقدر الشيء الي هو فيه الا اذا فقده خل الممل والحرية والكلام الفاضي ينفعك الحين الي سويته جرح كبير وعميق لا يمكن انه يرجع مثل ما كان حتى لو رجعتها انسى انها تكون مثل قبل تحبك وتعشقك وتتجهز لك مستحيل يصير هذا الشيء لن انت حرفيا قلت الي بقلبك و بصدق وصراحة لدرجة انجحرت ولا عاد حست بالألم الي تسببت لها
ردحذف