زوجي يخلص لي بيده وأنا يمكن أقتله !!!

 زوجي عنده سرعة قذف وقت العلاقة وبعد ما يخلص، يداعب منطقتي بيده عشان اوصل للنشوة وأخلص، لكن طبعا ما أكون مرتاحة، أكون في قمة الغضب والقهر منه، لأني أكيد ما تزوجته علشان في النهاية يخلص لي بيده، 

وهذا الشيء يخليني احقد عليه وأكرهه، وأريد أقتله من القهر، ما يصير يعني يلعب لي بيده علشان أرتاح، إذا الموضوع موضوع يد ليش تزوجت يعني!!!! ليش الوحدة تترك بيت أهلها وتتزوج إذا في النهاية زوجها يبخلص لها بيده؟!! تقعد في بيت أهلها وتخلص لنفسها بيدها أبرك!!! على الاقل يدها أنعم وأفضل مليون مرة من يده الغليضة!!! 

لو الموضوع موضوع تخليص باليد، كنت سويت هالشي من نفسي لنفسي وبلاه الزواج!!! بلاها هم وغم وقهر وحيرة ليل مع نهار. الوحدة يعني تتحمل الزوج وهمه ومسؤولية حياة كاملة بهمها وتعبها، عشان لذة الفراش وبس، هذه الصراحة وهذا السبب الحقيقي،  إذا ما بتحصلها شو لها في الزواج وغصته!!! شو أسوي أنا بيده، وهو يسويلي ودي أجيب ساطور وأقطعها، إذا الرجل ما له قوة على الزواج لا يتزوج، ويبلي بنات الناس بهمه، يخليهم في بيوت أهاليهم، أو يروح يتعالج ويريحنا من هالمصايب، 

زوجي واحد كان قبل الزواج مدمن على العادة السرية، وهذي النتيجة، واحد شهواني ما أقدر أوصف كيف، يعني عادي يخلص في اليوم ثلاث أربع مرات، لكن كل مرة بسرعة، دقيقة والثانية مخلص، كل هذا من الأفلام القذرة اللي كانت يتفرج عليها، ليل مع نهار، كيف أتصرف أنا الآن معه إيش أسوي، أشتكيه لمن، 

إن شكيته لأهلي فضايح، وإن واجهته ما في فايده لأني حاولت من قبل وصار عصبي وجن جنونه وصار يتهمني بأني قليلة أدب وما استحي على وجهي وكلام كثير يغطي فيه على عيبه وقلة حيلته، يعني شو بيصير لو اعترف بمشكلته وراح يدور علاج، ليش الرجل يفكر نفسه الكل في الكل وغيره ما له قيمة، تخيلوا هو يعتقد انه مو مهم أنا أرتاح كان يخلص ويقوم والله، لكن بعد ما تكررت الحالة طبعا  احتجيت، فصار يخلص وبعدين يحط يده لا وبعد بسويلي بسرعة ويقول خلصي ليش انتي بطيئة!!!! 

والله إني أحس نفسي ساعتها إني ممكن أقتله بدون ما أشعر بنفسي، إيش تسوي الزوجة مع رجل من هالأشكال الغريبة، ساعدوني كيف اتصرف معاه، كيف اقنعه يتعالج كيييييف؟