حلولكم للمشاكل الزوجية الحساسة

  زوجي واهله في كل خطوة من حياتي... وأنا؟ صرت مجرد زيادة عدد في السيارة! السلام عليكم، أنا مو جايه أشتكي عشان أفضفض وبس، أنا جايه أكتب لأني حاسة إني قاعدة أغرق، أغرق بصمت، بصبر، بتجاهل من أقرب الناس لي… زوجي! أنا متزوجة من ١١ سنة، وعندي بنت وولد. ما كنت أتوقع إن مشكلتي بتصير في أبسط حق من حقوقي: الخصوصية. زوجي هو وحيد أبوه، وأبوه متزوج ثلاث. الكارثة؟ إن زوجته الثالثة – وهي مو أمه – صارت المرافقة الرسمية لكل مشوار يطلع فيه زوجي! تخيلوا... ما في مرة طلعنا فيها مشوار أو سفر أو كشتة إلا وهي معانا! حتى السوبر ماركت؟ تجي! وما تجي لحالها... تجي ومعاها أولادها أو حتى بدونهم، بس الأهم إنها ما تترك زوجي أبدًا، لدرجة حسيت إنها أقرب له مني! في بداية زواجي كنت أقول: "ما عليه، تمشية، طلعة، نتحمل". بس لما صارت تطلع معنا بكل مكان؟ صرت أتمنى ما أطلع، حتى لو كنت أنا اللي طالبة الطلعة! السيارة زحمة، الكراسي محدودة، العيون علي، والكلام ينوخذ! صرت أتحول من زوجة رايحة تستمتع، إلى مرافق مطحون نفسيًا بين ناس ما تحس فيه. أكثر وحدة سببت لي قهر؟ أمه… أمه اللي تدخل بكل شيء، بكل نفس، بكل كلمة...