حلولكم للمشاكل الزوجية الحساسة

 مشكلتي باختصار: زوجي ما يهتم فيني، ما يعطيني من وقته، لا يسمعني، لا يسأل عني، لا يشاركني شي من حياتي، إلا... إذا بغى يقرب مني بالفراش! تحسّون كأني مجرد جسد عنده، مو شريكة حياة! ما يهتم إذا زعلت، ما يهمه إذا بكيت، ولا حتى يسأل إذا حس إني ضايقة صدري. لكن وقت ما "يحتاجني" تلقونه فجأة صار حنون، صوته ناعم، وكلامه معسول. ولما يحصل اللي يبي؟ يرجع لنفسه البارد اللي ما كأنه يعرفني. أنا أبي اهتمام، أبي كلمة طيبة، أبي نظرة حنان، أبي شريك يشاركني كل لحظة، مو بس يذكرني إذا احتاجني لشيء معين. أنا إنسانة، عندي مشاعر، عندي قلب يتعب ويتألم، مو آلة! وكل مرة أكلّمه، أعاتبه، أقول له: "أنا أحتاجك معاي في يومي، أحتاج دعمك، حنانك، حتى سؤالك عني!" يرد بكل برود: "وش تبين بعد؟ أنا مو مقصر!" إيه، يمكن مو مقصّر بالفراش، بس في كل شي ثاني؟ غايب تماماً... صرت أحس بالوحدة وأنا معه، تخيلوا؟ نعيش في بيت واحد، تحت سقف واحد، بس كل واحد فينا يعيش عالم مختلف. وإذا رفضت أكون معه بالفراش بسبب زعلي أو تعبي، انقلب عليّ! اتهامات، خصام، أحياناً صمت جارح، وأحياناً تعمد بالإهمال أكثر وأكثر...