حلولكم للمشاكل الزوجية الحساسة

 السلام عليكم خواتي، أنا داخلة هنا وقلبي مليان، ومو قادرة أكتم اللي بصدري أكثر. أنا عروس ما كملت ٣ شهور زواج، وتعبت نفسيًا وجسديًا بسبب مشكلة يمكن البعض يشوفها بسيطة أو يتحاشى الكلام عنها، بس بالنسبة لي كسرتني. أنا تزوجت عن قناعة وعن رضا، وزوجي من أولها رجال محترم وطيب، يخاف ربه، وخلوق. ما عليه من هالناحية أبد. لكن... من أول ليلة حسّيت إن فيه شي مو طبيعي. يعني الأمور الحميمية ما صارت مثل ما كنت أسمع وأتخيل. كنت أقول يمكن من التوتر، يمكن من التعب، قلت أصبر. ومرت الأيام، والوضع من سيئ لأسوأ. زوجي ضعيف جدًا جنسيًا. الانتصاب عنده يا ما يصير أصلًا، يا يكون ثواني وينزل، ومرات كثيرة ما يقدر حتى يبدأ. حتى وإن حاولت أثيره وأدلعه، وأتجمل له وألبس وأتكشخ... النتيجة وحدة: فشل وخيبة. وأنا كل يوم أموت من داخلي. أطلع من الغرفة وأبكي في الحمام، وأرجع أتمالك نفسي وأسوي إني نايمة. المشكلة إنه يتفادى حتى إني أقترب منه، كأنه عارف وعاجز. اللي يزيد حرقتي... إني متأكدة إنه كان يدري عن نفسه قبل لا يتزوجني، وسكت، ولا قال. ظلمني، وخدعني. وأنا الحين بين نارين: لا أنا قادرة أعيش كزوجة مكتفية وسعيدة، ولا أ...