حلولكم للمشاكل الزوجية الحساسة

 السلام عليكم يا بنات.. أنا بصراحة داخلة أفضفض لكم لأني من جد مخنوقة من هالموضوع، وماني لاقية أحد أفضفض له. أنا متزوجة من ٤ شهور.. وزوجي من النوع اللي يحب الحركات الحلوة والجو الحميمي. دايم يتغزل ويطلب مني أرقص له. من أول شهر زواج قال لي: "يلا حبيبتي، ارقصي لي، أبي أشوفك"، وأنا وقتها احترت! ما قد سويت هالشي بحياتي.. حتى لا مع خواتي، لا مع صديقاتي، ولا حتى قدام المراية. أنا بطبيعتي خجووولة جدًا، وخصوصًا بالأشياء اللي فيها حركات وكشخة قدام أحد. من يوم قالها لي حسيت إني صرت صغيرة، ارتبكت، وقلت له: "ما أعرف". ضحك وقال: "عادي، حركات بسيطة، أنا أحب أشوفك وانتي ترقصين". المشكلة إنه مو مرّة ولا مرتين.. كل فترة يعيد نفس الطلب. ودايم يجيب طاري البنات اللي يرقصون لأزواجهم، ويقول: "شوفي فلانة تقول ترقص لزوجها كل يوم"، "فلانة تعرف ترقص شرقي". وأنا أحس قلبي يتقطع.. ودي أسويه له، ودي أرضيه، بس مو عارفة كيف. مرة من المرات، قلت خلاص بجرب. قفلت الباب، وشغلت أغنية من الجوال، لبست لبس حلو، وجيت أتحرك.. والله يا بنات حسيت يدي ثقيلة ورجولي متخشبة، ما عرف...